சகோ.பி.சாமுவேலின் வழி நடத்துதல் எமில் மூலமாக நிறைவேறியதால் FMPB இத்தனை ஆத்துமாக்களை மிஷனரிகள் மூலமாக சேர்த்தது அதன் காரணமாக ஆயிரக்கணக்கில் சபைகள் உருவானது.

சகோ.எமிலை அந்நியபாஷையை பேசவிடாமல், இந்தியாவின் அனைத்து பாஷை மக்களுக்கும், இயேசுவே தெய்வம் என்று எமில் மூலம் கர்த்தர் அறியச்செய்தார். கர்த்தரின் அந்த அற்புதமான வழிநடத்துதலுக்காக தலை வணங்குகிறேன். எமிலின் ஊழியங்களுக்காகவும், சாட்சியுள்ள வாழ்க்கைக்காகவும் நான் தேவனை துதிக்கிறேன்.

ஜாமக்காரன் வாசகர்கள் சகோ.எமிலின் ஊழியங்களுக்காகவும் சாட்சியுள்ள, கண்ணீருடன் ஜெபிக்கும் அவர் சாட்சியுள்ள அர்பணிப்புள்ள வாழ்க்கைக்காகவும் தேவனைத் துதிப்போம்.

(குறிப்பு: நான் மேலே எழுதிய விவரங்களில் தவறான தகவல்களோ! மிகைப்படுத்தலோ! இருந்தால் உடனே எனக்கு எழுதி தெரிவிக்க கேட்டுக்கொள்கிறேன்.).

கம்யூனிஸ்ட் கொள்கைகளைப் பரப்பி வந்த ரஷ்யாவின் ஒலிபரப்பு கோபுரங்களின் வானொலி மூலம் இயேசுவின் நற்செய்தியை அறிவிக்கும் மாபெரும் பணியைச் செய்தவர் எமில் ஜெபசிங்.

அதிகாலை 05:30 மணிக்கு வானொலி மூலம் இவர் ஒலிப்பரப்பிய ஒவ்வொரு நாளும் ஒரு வேத பகுதியை வாசித்தல் என்ற நிகழ்ச்சியை கேட்டு பயன் பெற்றோர்களில் முன்னாள் இந்திய பிரதம மந்திரி திருமதி.இந்திராகாந்தியும் ஒருவர் என்று இவர் சொன்ன சாட்சி நமக்கெல்லாம் ஆச்சரியம் தந்த ஒன்று ஆகும்.