ஒரு விதத்தில் புதிய சூழ்நிலை இப்படிப்பட்ட கைதிகளுக்கு நல்லது. ஆனால் வாழவும், ஜீவிக்கவும் இவர்களுக்கு வேலை அல்லது தொழிலுக்கு வழிவகை செய்யவேண்டுமே! அதற்கு அரசாங்கம் உதவி செய்வது மிகவும் நல்லது. அப்படி இல்லை என்றால் குற்றம் செய்யாமலே இத்தனை வருடங்கள் விசாரணை கைதிகளாக சிறையில் வாடிய அவர்கள் உண்மையாகவே குற்றம் செய்து மறுபடியும் சிறைக்கே செல்லவேண்டிய நிலை உண்டாகும்.

பல வருடங்கள் சிறையில் கழித்து கடந்த வருடம் வெளியே வந்த ஒருவர் சொந்த குடும்பத்தினரால் வெறுக்கப்பட்ட நிலையில் வேலை செய்து பிழைக்கவும் வழியில்லாது தற்கொலை செய்துகொண்ட செய்தியை நீங்கள் கேள்விப்பட்டிருக்கலாம்.

ஆகவே சிறையிலிருந்து வெளியேவந்த இப்படிப்பட்டவர்களுக்கு வாழ வழி உண்டாக்கி கொடுக்க வேண்டியது மிக முக்கியம்.

சிறைகளில் வாழும் கைதிகளுக்கு உதவிசெய்து இயேசுவை அறிவித்துவரும் மதுரை வாழும் Rev.நோவா அவர்களை போன்றவர்கள் நடத்தும் நேசகரம் ஸ்தாபனங்கள், தன்னார்வ தொண்டு நிறுவனங்கள் ஆகியவைகள் மூலமாக இந்த கைதிகளுக்கு அரசாங்கம் பெரும்தொகை கொடுத்து தொழில் செய்ய உதவவேண்டும்.

மனைவி - குடும்பம் உறவு இல்லாமல் பல வருடங்கள் வாழ்ந்து அங்கு சிறையில் கிடைக்கும் நல்ல சக்தியுள்ள ஆகாரம் சாப்பிட்டதால் சரீரசக்தி வெளியேற Outlet வாய்ப்பு இல்லாததால் ஜெயிலுக்குள்ளேயே தங்கள் உணர்ச்சிகளை தணிக்க ஆண்கள் சிறையில் ஆணோடு-ஆண், பெண்கள் சிறையில் பெண்ணோடு-பெண் உறவுகொள்ளும் பழக்கம் சிறைக்குள் மிக அதிகம்.

இதே பிரச்சனை உலக அனைத்து தேசங்களிலும் உள்ள ராணுவத்தினரிடையே (ஆண் மற்றும் பெண்) மிக அதிகம் உண்டு.

ஹோமோ செக்ஸ்சுவல் (Homo-Sexual) என்ற பாவம் இந்த மாதிரி உள்ள இடங்களிலிருந்துதான் மிக அதிகமாக பெருகுகிறது. விசாரணைக் கைதிகள் விடுதலை பெற்று வெளியே வரும்போது ஒரு வித Sex வெறியோடு வெளியே வருவார்கள். சிறையில் இவர்களுக்கு கவுன்சிலிங் உண்டு. ஆனால் அதை யாரும் கண்டு கொள்வதில்லை. ஆனால் சிறைக்கு வெளியே இவர்கள் விடுதலையாகி வெளியே வந்தவுடன் கட்டாயம் சிறந்த (கவுன்சிலிங்) ஆலோசனை இவர்களுக்கு மிக அவசியம்.

மேலும் இவர்கள் மூலமாக பல இடங்களில் கற்பழிப்பு, சிறுமி-சிறுவர் பலாத்காரம் ஆகிய குற்றங்கள் அதிகமாக வாய்ப்புண்டு. இப்படிப்பட்ட குற்ற செயல்களிலிருந்து இவர்கள் காப்பாற்றப்பட இவர்களிடம் அன்பும், பரிவும் காட்ட இந்த கைதிகளின் குடும்பத்தினருக்கும் - சமுதாயத்துக்கும் ஆலோசனையும், விழிப்புணர்வு உண்டாக்கவும் TV சேனல்கள், தினசரி பத்திரிக்கை, மீடியாக்கள் மூலமாக அறிவுறுத்தல் மிக அவசியம்.

ஜாமக்காரன் வாசகர்களாகிய நீங்கள் இவர்களை மனதில்கொண்டு புது உலகில் பல ஆண்டுகளுக்குபின் பிரவேசிக்கும் இந்த கைதிகளுக்காக நம் இந்திய அரசாங்கம் ஏற்ற உதவிகள் இவர்களுக்கு செய்யவேண்டி ஜெபிக்க ஆரம்பியுங்கள் என்று வேண்டுகோள் விடுக்கிறேன்.